Bericht Turnfahrt 2023

Von Remo Schüpbach

Ar disjährige Turnfahrt isch dr Turnverein mit 8 Teilnähmende mit em Zügli uf Wynige greist. Ufem Zug si scho viu angeri Turnvereine gsi, wo aber schlussändlech nid dir glich Wäg gwäut hei, wie mir. Ihre Wäg isch diräkt i Gasthof zur Linde und üse het nis z Fuess i Richtig Grasswil gfühert. Da dr dirkäktischd Wäg nume säute dr schönscht isch, simmer ufemene chline Umwäg via Mutzbachfall richtig Ziu gloffe. Nach öppe 2.5 Stung wandere, nöie Bekanntschafte und es paarne „Energiespänder vor Nicole“ simmer de einisch ds Grasswil ahcho. Dert heimer nähre mit de angere Turnvereine us dr Region ä gmüetleche Nami bi luter Musig und gueter Luune verbracht. Da mer nach dr lange Reis z Fuess und em grosse Durscht Vorort scho chli düre si gsi, simmer am spetere Nami mitem Bus und Zug Richtig Heizue.